काठमाडाैं, चैत ८ ।
सुनचाँदी कारोबारको अन्तिम दिन आज शुक्रबार नेपाली बजारमा सुनचाँदीको मूल्य घटेको छ । बिहीबार प्रति तोला १ लाख ७६ हजार रुपैयाँमा कारोबार भएको छापावाल सुन आज तोलामा १ हजार रुपैयाँले घटेर प्रति तोला १ लाख ७५ हजारमा कारोबार भइरहेको छ ।

आज १० ग्राम छापावाल सुनको मूल्य १ लाख ५० हजार ३५ रुपैयाँ तोकिएको छ ।

आज चाँदीको मूल्य तोलामा ३५ रुपैयाँले घटेर प्रति तोला १ हजार ९ सय ९५ रुपैयाँमा किनबेच भइरहेको छ । आज १० ग्राम चाँदीको मूल्य १ हजार ७ सय १० रुपैयाँ ५० पैसा तोकिएको नेपाल सुनचाँदी व्यावसायी महासंघले जनाएको छ ।