काठमाडाैं, चैत १० ।
एउटी १७ वर्षीया किशोरीमाथि बलात्कार गरेको अभियाेगमा एक युवा पक्राउ परेका छन् ।

रसुवाको गोसाईकुण्ड गाउँपालिका-५ स्याफ्रुबेशी बस्ने रुकुम पश्चिम मुसिकोट नगरपालिका-१ घर भएका २३ वर्षीय नविन रावललाई शनिबार दिउँसो प्रहरीकाे टाेलीले पक्राउ गरेको हाे ।

रावलले ती किशोरीलाई जबरजस्ती करणी गरेको भन्ने उजुरीको आधारमा प्रहरी चौकी स्याफ्रुबेशी रसुवाबाट खटिएको प्रहरीकाे टाेलीले उनलाई पक्राउ गरेको हो ।

पक्राउ परेका रावलविरुद्ध बलात्कारको कसुरमा प्रहरीले थप अनुसन्धान अगाडि बढाइएको जनाएकाे छ ।