काठमाडौं, चैत ११ ।
नेपाल राष्ट्र बैंकबाट ‘ख’ वर्गको इजाजत पत्र प्राप्त राष्ट्रियस्तरको विकास बैंक सिन्धु विकास बैंक लिमिटेडको वार्षिक कार्ययोजना तथा ग्लोबल मनी वीक-२०२५ कार्यक्रमअन्तर्गत शाखा कार्यालय बनेपा तथा शाखा कार्यालय नारायणगढको आयोजनामा यही चैत १० गते आइतबारका दिन बनेपा काभ्रेमा अवस्थित संकल्प क्याम्पस तथा भरतपुर लायन्स चोकमा अवस्थित बालकुमारी कलेजमा वित्तीय साक्षरता कार्यक्रमको आयोजना गरिएको छ ।

संकल्प क्याम्पसका स्नातक तहका जम्मा ६५ जना विद्यार्थीहरूको उपस्थिति रहेको थियो भने बालकुमारी कलेजका कक्षा ११ तथा १२ गरी ७० जना विद्यार्थीहरूको उपस्थिति रहेको थियो । बैंकका तर्फबाट बचत, कर्जा, लगानी, खर्च, बजेट, वित्तीय सेवालगायत डिजिटल बैंकिङ्ग प्रणालीको उपयोग, चुनौती तथा सुरक्षा जस्ता विषयवस्तुहरूको बारेमा विद्यार्थीहरूलाई जानकारी गराइएको थियो ।

सिन्धु विकास बैंक क्षेत्रीय विकास बैंकसमेत हो । काभ्रेपलाञ्चोक, सिन्धुपाल्चोक, दोलखा, चितवन तथा मकवानपुर गरी जम्मा पाँच वटा जिल्लाको कार्यक्षेत्र स्वीकृति रहेको बैंकको जम्मा २६ वटा शाखाहरू सञ्चालनमा रहेको बैंकले एक प्रेस विज्ञप्ति जारी गरी जनाएको छ ।