काठमाडाैं, चैत १४ ।
सिटिटेक ग्रुप (प्रा.) लि.ले नेपालको पहिलो एकीकृत भुक्तानी संयोजन प्रणाली तथा व्यावसायी व्यवस्थापन सफ्टवेयरू “गेटपे” लाई नेपाल क्लियरिङ हाउस लिमिटेड (NCHL) सँगको सहकार्यमा, नेपाल राष्ट्र बैंकबाट ‘क’ वर्गको इजाजत पत्र प्राप्त संस्था माछापुच्छ्रे बैंक लिमिटेड (MBL) मा सफल भुक्तानी व्यवस्थापन शुभारम्भ गरी ऐतिहासिक उपलब्धि हासिल गरेको छ ।

सिटिटेक ग्रुप डिजिटल भुक्तानी प्रणालीमा क्रान्तिकारी परिवर्तन ल्याउने संस्थाको रूपमा आफ्नो पहिचान स्थापित गरेको छ । यस संस्थाले हाल सम्म फिन-प्रो (finPRO) तथा फिन-पस (finPOS) जस्तो नवीनतम सफ्टवेयर ल्याएर नेपालमा पहिले नै आफ्नो बर्चस्व कायम गरिसकेको छ । हाल सञ्चालनमा आएको गेटपे बैंक तथा वित्तीय संस्थाहरूलाई एकीकृत भुक्तानी प्रणाली मार्फत भुक्तानी संरचना सरल बनाउने, व्यावसायी व्यवस्थापन गर्ने र नयाँ भुक्तानी माध्यमहरूलाई छोटो समयमा एकीकृत गर्न सक्षम बनाउने प्लेटफर्म हो । व्यावसायीहरूका लागि यो प्लेटफर्मले सबै कारोबारहरूको एकै स्थानबाट अनुगमन गर्ने, सुविधा दिने तथा फरक भुक्तानी प्रणालीहरूलाई एकीकृत प्रणालीमा समायोजन गर्नेछ । आधुनिक प्रविधिमार्फत् वास्तविक समयमै कारोबार पूरा गर्ने क्षमताले गेटपेलाई अधिक कार्यकुशल, लागत-प्रभावी र डिजिटलमैत्री साधन बनाएको छ ।
एकै पटकमा धेरै भुक्तानी माध्यममा गेट्पेको पहुँच स्थापना हुने हुँदा जटिल भुक्तानी प्रणाली सहज हुनेछ । यो प्लेटफर्मले फरक भुक्तानी गर्ने माध्यमहरूलाई लागत-प्रभावी र भरपर्दो च्यानलमार्फत् गतिशील रूपमा पठाउने सुविधा प्रदान गर्छ, जसले प्रयोगकर्तालाई छिटो, सजिलो र सहज भुक्तानीको अनुभव प्रदान गर्दछ । यसको नौलो प्रविधि संरचनाले बैंकहरूलाई नयाँ भुक्तानी माध्यमहरू एकीकृत गर्न र बदलिँदो बजारको मागअनुसार सेवा प्रदान गर्न मद्दत गर्दछ ।

माछापुच्छ्रे बैंकले गेटपेलाई आफ्नो दैनिक सञ्चालनमा सफलतापूर्वक समावेश गरिसकेको छ । यस प्लेटफर्मद्वारा बैंकका सम्पूर्ण भुक्तानी प्रणाली सहज गर्ने अभिन्न अंग बनेको छ । माछापुच्छ्रे बैंकको डिजिटल बैंकिङ्ग टीमअनुसार, “गेटपेको माध्यमबाट हामीले व्यावसायीसँग सम्बन्धित सम्पूर्ण कारोबार र भुक्तानीहरू एकै ठाउँबाट हेर्न सक्ने सुविधा पाएका छौंं, जसले बैंकको कार्यकुशलता अभिवृद्धि गर्नुका साथै ग्राहकलाई प्रदान गरिने सेवा अझ सरल र सबल बनाएको छ ।”

नेपाल क्लियरिङ हाउस लिमिटेडका प्रतिनिधिअनुसार यस साझेदारीमा सहभागी हुन पाएकोमा उत्साहित भएको र गेटपेले बलियो एकीकृत भुक्तानी पूर्वाधार निर्माण गरी नेपाललाई अन्तर्राष्ट्रिय फिनटेक बजारमा एउटा कोशेढुंङ्गा साबित गर्न सक्ने विश्वास लिएको जान्कारी गराए ।

साथै, यस कार्यक्रम बारे सिटिटेकका प्रमुख कार्यकारी अधिकृत साजन शर्माले जानकारी गराउँदै भने, “नेपाली बैंकहरूलाई एकीकृत भुक्तानी प्रणालीलाई सशक्त बनाउने नवीनतम प्रविधि प्रदान गर्ने दिशामा ऐतिहासिक नयाँ पाइला चालेका छौँ । अबका दिनहरूमा नेपालका बैंक तथा वित्तीय संस्थाहरूको भुक्तानी व्यस्थापन तथा सञ्चालनमा हाम्रो संस्थाको तर्फबाट अझै उलेख्य योगदान हुने विश्वास बिश्वास दिलाउँछौँ । कम्पनीले एक प्रेस विज्ञप्ति जारी गरी जनाएको छ ।