काठमाडाैं, जेठ ४ ।
काठमाडौं महानगरपालिकाको न्यूरोडबाट प्रहरीले २० लाखभन्दा बढी नगदसहित एक जना युवालाई पक्राउ गरेको छ ।

पक्राउ पर्नेमा सिन्धुपाल्चोकको बाह्रबिसे नगरपालिका-४ घर भएका २४ वर्षीय सञ्जय बस्नेत रहेका छन् ।

आरोपीको साथबाट २० लाख २९ हजार नगद बरामद गरिएको जिल्ला प्रहरी परिसर काठमाडाैंका एसपी अपिलराज बोहराले जानकारी दिएका छन् ।

प्रहरीले सो सम्बन्धमा थप अनुसन्धान अगाडि बढाइने भएको छ ।