एजेन्सी, पुस १५
रोमानियाका राष्ट्रपति क्लाउस इओहानिसले त्यहाँका एक क्षेत्रीय नेतालाई प्रधानमन्त्रीका रूपमा नियुक्त गरेका छन् ।

याेसँगै रोमानियाले ४३ वर्षीय सोरिन ग्रिन्डेनुलाई रोमानियाको प्रधानमन्त्री बनाएका हुन् । यद्यपि ग्रिन्डेनुलाई प्रधानमन्त्रीको रूपमा त्यहाँको संसद्बाट अनुमोदन गर्नुपर्ने कानूनी प्रावधान छ । ग्रिन्डेनु रोमानियाको सोसल डेमोक्रेटिक पार्टीकोतर्फबाट संसद्मा प्रतिनिधित्व गर्ने छन् ।

रोमानियामा डिसेम्बर ११ मा भएको निर्वाचनमा जनादेश प्राप्त वामपन्थी मुस्लिम महिला नेतृ सेभिल साइदेहले प्रधानमन्त्रीका रूपमा आफ्नो नाम सिफारिस गरे पनि राष्ट्रपतिले उनको नाम भने अस्वीकृत गरेका थिए ।