ललितपुर, जेठ १९ ।
ललितपुरमा रहेको ताम्रकार समाज भवनमा नेपालभाषाको विभिन्न पुस्तक प्रर्दशनी मेला सुरु भएको छ ।

पुस्तक प्रदर्शनी मेलामा मुख्य अतिथिका रूपमा नवनिर्वाचित नगर प्रमुख चिरीबाबु महर्जनद्वारा रिवन काटेर उद्घाटन गरिएको हो । मेलामा संस्कृतिविद् डा. सत्यमोहन जोशी, उपनगर प्रमुख गीता सत्यालको पनि उपस्थिति रहेको थियो ।

सो पुस्तक मेलामा बौद्धधर्म, नेपालको संस्कृति तथा विदेशी किताबहरू समेत प्रदर्शनीमा राखिएको छ ।

उक्त मेला जेठ १९ र २० गते अर्थात अाज र भाेलि दुइ दिनसम्म सञ्चालन हुनेछ । बिहान १० बजेदेखि बेलुका ६ बजेसम्म मेला खुला रहने आयोजक नेपालभाषा एकेडेमीले जनाएको छ ।