काठमाडौं, जेठ २० ।
नेपाल ओलम्पिक कमिटीले १३ औँ दक्षिण एशियाली खेलकुदमा फुटबल, भलिबल, कराँतेलगायत २३ वटा खेललाई प्राथमिकता दिने भएको छ ।

कमिटीका अध्यक्ष जीवनराम श्रेष्ठको अध्यक्षतामा बसेको बैठकले यहीँ जेठ २३ र २४ गते भुटानमा हुन गइरहेको दक्षिण एशियाली ओलम्पिक काउन्सिलको बैठकमा ती खेललाई प्रस्ताव गर्ने निर्णय गरेको हो ।

त्यसैगरी, एक महिनापछि तुर्किमिनिस्तानको राजधानी आस्गाबाटमा हुने एशियन इण्डोर खेलमा नेपालले सहभागिता जनाउने निर्णय पनि गरेको छ ।

आधुनिक ओलम्पिक खेलकुद सुरुवात भएको दिन असार १० गते (जुन २३) को सम्झनामा आगामी असार ३ गतेदेखि १० गतेसम्म कमिटीका मातहतका सबै सङ्घसंस्थालाई उत्सव गर्न बैठकले निर्देशन दिएको छ ।