एजेन्सी, फागुन २ ।
अमेरिकामा सबैभन्दा ठूलो बाँध भत्किएपछि एक लाख ३० हजारभन्दा बढी नागरिक जोखिममा परेका छन् ।

अधिकारीहरूकाअनुसार उत्तर क्यालिफोर्नियाको सबैभन्दा ठूलो बाँध भत्किँदा सो संख्यामा नागरिक जोखिममा परेका हुन् ।

अरोभिले बाँधको एक भागमा ठूलो प्वाल परेपछि आसपासको क्षेत्र डुबानको जोखिममा परेको हो । आसपासका बासिन्दालाई सुरक्षित स्थानमा सार्ने काम भएको अधिकारीहरूले बताए । उक्त बाँधको उचाई सात सय ७० फिट छ । बाँधको आकस्मिक ढोका खोलिएको छ ।

धेरै पुरानो बाँध भएकाले भत्कने अवस्थामा पुगेको अधिकारीहरूको भनाई रहेको छ । बाँधमा एउटा प्वाल परेपछि सिङ्गो बाँध नै भत्किने अवस्थामा पुगेको हो । तर, त्यसअघि नै आकस्मिक ढोका खोलेर पानी निकास गर्नुपरेको बताइएको छ ।