काठमाडौं, फागुन २ ।
प्रधानमन्त्री पुष्पकमल दाहालले अहिले चुनावलाई लिएर चुनाव गराउने र नगराउने दुई पक्षबीच द्वन्द्व चर्किरहेको बताउँदै सरकारका लागि यो समय चुनाव ठूलो चुनौतीको विषय बनेको बताएका छन् ।

छैठौँ विश्व रेडियो दिवसको अवसरमा राजधानीमा आयोजित कार्यक्रममा बोल्दै उनले अहिले मुलुक निकै ठूलो बैचारिक र भावनात्मक संघर्षमा रहेको बताउँदै संविधान कार्यान्वयनको प्रमुख पक्ष २०७४ साल माघ ७ गतेभित्र तीन वटै निर्वाचन गर्नु रहेको बताए ।

प्रधानमन्त्री दाहालले बैशाखको अन्तिम साता वा जेठको पहिलो सातामा स्थानीय निर्वाचन गर्ने तयारीमा सरकार रहेको बताउँदै त्यसलाई नियन्त्रण गर्न विविधतामा एकता गर्नुपर्नेमा जोडसमेत दिए । उनले त्यसका लागि रेडियोहरूले पनि महत्वपूर्ण भूमिका खेल्न आग्रह गर्दै अहिलेको एजेण्डा भनेको राजनीतिक स्थिरता ल्याएर आर्थिक समृद्धिमा जानु रहेको बताएका छन् ।