काठमाडौं, जेठ २८ ।
इङ्ल्याण्डमा गएराति भएको विश्वकप छनाैटअन्तर्गत खेलमा हारबाट जोगिएको छ । युरोपियन छनाैटअन्तर्गत इञ्जुरी समयमा कप्तान ह्यारी केनले गोल गरेपछि इङ्ल्याण्डले स्कटल्यान्डलाई २–२ गाेलको बराबरीमा रोक्दै अपराजित यात्रालाई कायम राखेको हो ।

सुरुवाती अग्रता जोगाउन नसक्दा इङ्ल्याण्डले दबाब खेप्नु परेको थियो । ७० औँ मिनेटमा एक्लेक्स चेम्बरलेनको गोलबाट इङ्ल्याण्डले अग्रता लिएको थियो । तर, खेलको अन्त्यमा तीन मिनेट स्कटल्याण्डका लागि सुखद् रह्यो ।

खेलको ८७ औँ मिनेटमा लेइघ ग्रिफथ्सले गोल गर्दै खेललाई १–१ गाेलको बराबरीमा ल्याएका थिए । त्यसको तीन मिनेटपछि ९० औँ मिनेटमा ग्रिफथ्सले अर्को गोल थप गरेपछि स्कटल्याण्डलाई २–१ गाेलको अग्रता बनायो । तर, इञ्जुरी समयमा तेस्रो मिनेटमा केनले गोल गरेपछि इङ्ल्याण्डको हारबाट जाेगिएकाे थियो ।

बराबरीसँगै समूह ‘एफ’ मा इङ्ल्याण्डको ६ खेलमा १४ अंक पुगेको छ । समूहको शीर्ष स्थानमा रहेको टोलीले ४ खेल जितेको टोलीले २ खेलमा बराबरी गरेको छ । समान खेलबाट ८ अंक जोडेको स्कटल्याण्ड चौथो स्थानमा छ । समूहको अर्को खेलमा स्लोभानियाले माल्टालाई २ विरुद्द शून्य गाेलले पराजित गरेको थियो । स्लोभाकिया १२ अंकसहित दोस्रो र स्लोभानिया ११ अंकसहित तेस्रो स्थानमा रहेकाे छ ।