एजेन्सी, जेठ २९ ।
अमेरिकास्थित पूर्वी लस एञ्जेलसमा बनाइएको २ किलोमिटर लामो पिज्जालाई संसारकै सबैभन्दा लामो पिज्जा घोषित गरिएको छ ।

क्यालिफोर्नियाको फोंटानास्थित अटो क्लबस्पीडवे मा दर्जनौ सेफ र मानिसहरूले मिलेर यो लामो पिज्जा बनाएका हुन् । १.९३ किलोमिटर लामो बनेपछि यो पिज्जाले पछिल्लो सन् २०१६ इटालीमा बनाइएको पिज्जाको रिकर्ड तोडेको हो ।
सञ्चारमाध्यमका अनुसार गिनीज वल्र्ड रिकर्डका प्रतिनिधिले संसारको सबैभन्दा लामो पिज्जाका रूपमा प्रमाणित गरेका छन् ।

२ किलोमिटर लामो पिज्जा बनाउन करिब ३ हजार ६ सय ३२ किलोग्राम पिठो, १ हजार ६ सय ३४ किलोग्राम चीज र २ हजार ५ सय ४२ किलोग्राम साल्सा सस प्रयोग गरिएको थियो ।

आम जनमानसले पिज्जा बनाउन सहयोग गर्न सक्ने उक्त कार्यक्रममा प्राप्त रकमलाई गरिब तथा घर नभएकाहरूको सहयोगका लागि प्रयोग गरिने बताइएको छ ।