काठमाडौं, जेठ २९ ।
प्रायजसो पुराना घरहरूमा अलि बढी नै देखिने जीवमध्येमा एक हो माउसुली । माउसुली प्राय मानिसहरूले बढी देखिने जीवमध्येमा पनि एक पर्छ । आजभोलि नयाँमा पनि सामान्य रूपमा देखिने यस्ता माउसुली देखे पनि हामीले त्यसलाई सामान्य रूपमा लिन्छौँ तर, यसको भित्री रहश्य बुझ्ने हो भने यसमा अझ बढी रोचकता रहेको छ ।

माउसुली बाहेक पनि पृथ्वीमा रहेका स–सानादेखि लिएर ठूलठूला जीवजन्तुहरूमा सबैको आ–आफ्नै महत्व रहेको हुन्छ र आ–आफ्नै विशेषता पनि हुन्छ तर, यहाँ जोडिएको माउसुलीको प्रसङ्ग भने छुट्टै किसिमको रहेको छ । जनावरहरूलाई देवी–देवताको बाहनको रूपमा पनि पुज्दै आइरहेको कुरा सबैलाई जानकारी भएकै कुरा हो तर, यहाँ माउसुलीको बारेमा थाहाँ पाउँदा अझ अचम्म लाग्ने खालका कुरा शास्त्रमा उल्लेख गरिएको छ ।

अँध्यारो कोठामा झट्ट बत्ति बाल्दा माउसुली देख्दा कोही व्यक्ति डरले सिरिङ्ग पनि हुने गर्छन् तर, यहाँ डरभन्दा पनि माउसुली र मानिसको शरीरसँगको सम्बन्ध शास्त्रमा उल्लेख गरिएअनुसार अचम्मको कुरा फेला परेको छ । शास्त्रमा उल्लेख गरिएअनुसार घरको भित्तामा हिँड्ने माउसुली (भित्ती) शरीरको कुनै पनि भागमा झर्नुले शुभ–अशुभको संकेतलाई केन्द्रित गरेको छ । त्यो बाहेक पनि अरू संकेतहरू यसप्रकार रहेको छ ।

– यदि माउसुली खसेर टाउकोमा परेको खण्डमा सम्पत्ति मिल्ने सम्भावना हुन्छ । त्यस्तै, गर्दनमा परेमा यश प्राप्त हुन्छ ।

– दाहिने कानमा परेमा आभूषण प्राप्त हुन्छ । बायाँ कानमा माउसुली परेमा आयु बढ्ने संकेत गर्छ । यस्तै, बायाँ गालामा झरेमा पुरानो मित्रसँग भेट हुने तथा दाहिने गालामा परेमा पनि आयु बढ्ने संकेत हो ।

– यदि माउसुली तपाईंको नाकमा झरेमा तपाईंको भाग्यदोषको संकेत मानिएको छ ।

– यदि पिठ्युमा माउसुली झरेमा घरमा कलहको संकेत मानिन्छ । पिठ्युको दाहिने भागमा खसेमा सुख र देब्रेमा परेमा रोगको संकेत गर्छ ।
– दाहिने काँधमा झरेमा विजयको संकेत गर्छ, तर बायाँ काँधमा माउसुली खसेमा नयाँ शत्रु बन्ने संकेत हुन्छ ।

– यदि दायाँ हातमा झरेमा कपडा र बायाँ हातमा झरेमा धनको हानीको संकेत भनिएको छ । यस्तै, दायाँ खुट्टामा परेमा यात्राको लाभ र बायाँ खुट्टा परेमा घरमा कलह तथा बिरामी, दुःख मिल्ने संकेत मानिएको छ ।

तर, सावधान हुनुस्, शास्त्रमा भनेको सबै सत्य हुन्छन् भन्ने पनि छैन । माउसुली मुखमा खस्यो, वा खानामा पर्यो भने त्यसले शुभ पटक्कै गर्दैन । माउसुली विषालु हुन्छ, त्यसैले यसबाट बच्नु नै बुद्धिमानी हुन्छ ।

यसका लागि आफ्नो घर–आँगनलाई सफा गरेर राख्नु पनि अति उत्तम हुन्छ भने अर्को खानेकुरालाई छोपेर राख्नु र खाना खाने स्थान सधैँ सफा राखेको खण्डमा पनि यस्ता घटनाबाट टाढा रहन सकिन्छ । आँगनलाई सफा गरेर राख्नु पनि अति उत्तम हुन्छ भने अर्को खानेकुरालाई छोपेर राख्नु र खाना खाने स्थान सधैँ सफा राखेको खण्डमा पनि यस्ता घटनाबाट टाढा रहन सकिन्छ ।