एजेन्सी, पुस १६
इराकको बग्दादमा भएको बेग्लाबेग्लै बम विष्फोटनमा परी कम्तीमा १९ जनाको ज्यान गएको छ । बग्दादको भित्र भागमा रहेको अति व्यस्त बजार क्षेत्रमा आज दुई ओटा बम विष्फोट भएको सरकारी अधिकारीहरूले जनाएका छन् ।

घटनामा परी अन्य दर्जनौं मानिसहरू घाइते भएका छन् । कम्तीमा पनि ३८ जना घाइते भएको समाचारमा जनाइएको छ । घटना बारेमा थप अनुसन्धान जारी रहेको प्रहरी अधिकारीहरूले जानकारी दिएका छन् ।