नेपाल र यमनबीचको प्रतिस्पर्धात्मक खेल बराबरीपछि अंक बाँड्न बाध्य

काठमाडौं, जेठ ३० ।
एएफसी एशियन कप–२०१९ को छनौट चरणको खेलअन्तर्गत आज भएको नेपाल र यमनबीचको खेल दुबै टीमबाट गोल गर्न नसकेपछि बराबरीमा सकिएको छ ।
काठमाडौंस्थित सशस्त्र प्रहरीको हलचोक मैदानमा भएको उक्त प्रतिस्पर्धात्मक खेलमा दुबै टीमले गोल गर्ने राम्रा अवसर गुमाएपछि अंक बाँड्न बाध्य भएको थियो ।
निर्धारित समयमा पनि दुबै टीमबाट गोल गर्न नसकेपछि थप गरिएको चार मिनेटमा पनि दुबै टीमबाट गोल गर्ने सुन्दर अवसरहरू गुमाएका थिए ।
यसअघि यमनसँगका दुबै खेल हारेको नेपाल आज घरेलु मैदानमा हारको बदला लिने मौकाको सदुपयोग गर्न पनि चुकेको छ ।
समूह ‘एफ’मा रहेको नेपाल यसअघि खेलेको खेलमा फिलिपिन्ससँग पराजित भोग्नु परेको थियो । नेपालको समूहमा फिलिपिन्स, यमन र ताजकिस्तान रहेका छन् ।
प्रतिक्रिया