काठमाडौं, फागुन ४ ।
सुनको मूल्यमा आज पनि सामान्य रूपमा तल झरेको छ । मंगलबार प्रति तोला ५५ हजार तीन सय रुपैयाँले कारोबार भएको सुन आज रु. सयले घटेर ५५ हजार दुई सयले कारोबार भइरहेको छ ।

चाँदीको मूल्य भने आज स्थीर रहेको छ । चाँदी आज प्रति तोला आठ सय २० रुपैयाँले कारोबार भइरहेको नेपाल सुनचाँदी व्यावसायी महासंघले जनाएको छ ।

बजारमा दिनहुँ जसो सुनको मूल्य घटे पनि बजारमा सुनको अभाव व्यापक मात्रामा भएको छ । अहिले सुन प्रति तोला ५५ हजार दुई रुपैयाँ परे पनि बजारमा अर्डर लिने काम पूर्ण रूपमा ठप्प रहेको छ ।

व्यावसायीहरूले कुनै नयाँ चीज बनाउनु परेमा प्रति तोला २५ सय देखि तीन हजार रुपैयाँ बढी मूल्य लिएर अर्डर लिने गरेको ग्राहकहरूको गुनासो रहेको छ ।