काठमाडौं, श्रावण १० ।
आईसीसी यू १९ विश्वकपमा छनोट खेल अन्तर्गत सिंगापुरमा भएको समूह चरणको अन्तिम खेलमा नेपाल अफगानिस्तानसँँग ९६ रनले पराजित भएको छ ।

सुरुमा ब्याटिङको निम्तो पाएको अफगानिस्तानले नेपाललाई एक सय ९६ रनको विजय लक्ष्य दिएको थियो । जवाफी ब्याटिङमा उत्रिएको नेपाल ४०.६ ओभरमा ९९ रन जोड्दा अलआउट भएको थियो ।

नेपालका लागि दिपेन्द्र सिंह ऐरीले ४८ रन जोड्नुबाहेक अन्य खेलाडीहरूको प्रदर्शन भने फितलो देखिएको थियो । दिपेन्द्रले ८१ बल खेलेर ७ चौकार र १ छक्का प्रहार गरेका थिए ।

सुरुवातका महत्वपूर्ण ब्याट्सम्यानहरू सस्तैमा गुमाउँदा नेपालको ब्याटिङ धरमराएको थियो । १२ ओभरमा २४ रन बनाउँदा नेपालले ४ विकेट गुमाइसकेको थियो ।

सन्दीप सुनुवार ६ रनमा आउट भए भने आशिफ शेख २ रनमा बनाएर आउट भए प्रनित थापा मगर खाता नै नखोली आउट भए । त्यसैगरी अनिलकुमार शाह ६ रनमा आउट भए । टस जितेर पहिले व्याटिङ गरेको अफगानिस्तानले ४६.५ ओभरमा अलआउट हुँदै १९५ रन बनाएको थियो ।