काठमाडौं, चैत २४ ।
साहसिक कार्य गर्ने प्रयासलाई सशक्त बनाउने आफ्नो अटुट प्रतिबद्धताको एक हिस्साको रूपमा, पञ्चकन्या समूहले गर्वका साथ कविता नेपाली–एक प्रसिद्ध फिटनेस आइकन र कलाकारको मिति २०८१।१२।३० गतेदेखि प्रारम्भ हुने महत्वाकांक्षी एभरेष्ट र लोत्से हिमालको आरोहण हुने भएको छ ।

आफ्नो संस्थागत सामाजिक उत्तरदायित्व (CSR) पहलअन्तर्गत पञ्चकन्या समूहले कविता नेपालीको मिसनमा हातेमालो गर्ने गरी आर्थिक सहयोग गरेको हो । यो सामाजिक कार्यमा गरेको सहयोग, उनलाई एक कलाकारको रूपमा मात्र नभई उनको बहुआयामिक प्रतिभा र राष्ट्रिय गौरवको प्रतिकको रूपमा गरेको कम्पनीका प्रबन्ध–निर्देशक प्रदिप कुमार श्रेष्ठले बताए । सन् २०१८ मा बुगी वुगी इन्टरनेशनल नृत्य प्रतियोगिता तथा चीनियाँ मार्सल आर्टमा समेत अब्बल भई सफलता हासिल गरिसकेको अनुभवलाई शिरोपर गर्दै कविताले अब हिमालयमा एउटा पुस्ताको आशा र नेपाली महिलाहरूको स्थायी शक्तिलाई लिएर जाने विश्वास कम्पनीले लिएको छ ।

उचाईको विरासत
यो साझेदारीले पञ्चकन्या समूहले लामो समयदेखि विभिन्न विशिष्ट क्षेत्रहरूमा नयाँ उचाई चुम्न प्रयासरत नेपाली महिलाहरूलाई सहयोग गर्ने परम्पराको निरन्तरता रहेको छ । यस समूहले सन् २०१३ मा माउण्ट किलिमान्जारोमा आरोहण गर्ने सेभेन समिट्स महिला टोलीको समूहलाई आफनो कम्पनी सुरुवात भएको ४० औँ वार्षिकोत्सवको अवसरमा सार्वजनिक ब्यानर सो हिमालको चुचुरोमा पुर्‍याएको थियो । यही सिलसिलामा एभरेष्ट आरोहण गर्ने अठोट राखेका साहसी नेपाली महिला निशा अधिकारी, डाक्टर प्रिती भुसाल तथा व्यावसायिक पत्रकारिता गर्ने हिम्मतीला पाँच नेपाली महिला पत्रकारहरूले पितृसत्तामक पुरातनवादी सोचलाई भत्काउँदै नेपाललाई विश्व मञ्चमा प्रतिनिधित्व गर्दै नेपालको गौरव राख्न ठूलो भूमिका खेल्नु भएको छ ।

संस्थागत सामाजिक उत्तरदायित्वमार्फत् महिला सशक्तिकरण
अन्तर्राष्ट्रिय महिला दिवसको विशेष कार्यक्रमकाबीच घोषणा गरिएको यो प्रायोजनले आर्थिक सहयोग भन्दा पनि अर्थपूर्ण, दीर्घकालीन प्रभाव सिर्जना गर्नेमा पञ्चकन्या समूहको विश्वासलाई मूर्त रूप दिनेमा कुनै शंका नभएको कम्पनीको विश्वास रहेको छ । यस कम्पनीको संस्थागत सामाजिक उत्तरदायित्व रणनीति मुख्य गरी पाँच क्षेत्रहरूमा केन्द्रित रहेको छ । त्यसमा शिक्षा, वातावरण, महिला सशक्तिकरण, स्वास्थ्य र सरसफाई तथा शीप विकास गरी नैतिक, समावेशी र दीगो विकासप्रति आफ्नो प्रतिबद्धतालाई थप सुदृढ गरेको छ ।

“कविताको यात्रा आरोहणभन्दा धेरै संसारभरीका साहसी मानिसहरूका लागि सन्देश हो“, पञ्चकन्याका समूहको प्रवक्ताले भने । “हामीले उनलाई सहयोग र समर्थन गर्न पाउँदा गर्व गर्छौं किनकी उनले नेपालको कथा र भावनालाई विश्वको शीर्ष उचाईमा पुर्‍याउँदै छिन् ।”

पञ्चकन्य समूहको बारेमा
“ठोस प्रतिबद्धता” को लोकाचारद्वारा निर्देशित, पञ्चकन्या समूह नेपालको सबैभन्दा सम्मानित औद्योगिक समूहहरू मध्ये एकको रूपमा खडा छ, यसको नवीनता, सामाजिक लगानी तथा पूर्वाधार र मानव क्षमता दुबै निर्माण गर्ने अभियानमा तत्पर कम्पनी रहेको कम्पनीले एक प्रेस विज्ञप्ति जारी गरी जनाएको छ ।