काठमाडौं, श्रावण १२ ।
नेपाली क्रिकेट खेलाडीलाई अन्तर्राष्ट्रिय क्रिकेट काउन्सिलले एक वर्षको तलब पठाएको छ ।

आन्तरिक विवादका कारण आईसीसीको निलम्बनमा परेको क्यानसगै खेलाडीको मासिक तलब करिब एक बर्षसम्म रोकिएको थियो ।

तर आईसिसिले करीब दुई महिना अगाडी नेपाली खेलाडीको तलब आफुले दिने भनेपछि खेलाडीलाई राहत भएको थियो । जसले गर्दा आईसीसीले एशोसिएसनलाई दिने रकमबाट काटिने गरी हालै मात्र ३३ क्रिकेटरको सन् २०१६ को तलब पठाएको हो ।

क्रिकेट टिमका प्रशिक्षक र म्यानेजरले यो वर्षमा खेलेका खेलाडीहरूको नाम पठाएको थियो ।

क्रिकेट संघले आईसीसीबाट निलम्बनमा पर्नुअघि ए, बी सी र डी गरेर खेलाडीको ग्रेडिङ गर्दै तलब तोकेको थियो । त्यसबेला ए ग्रेडका खेलाडीले मासिक ३५ हजार, बी ग्रेडले २५ हजार र सी ग्रेडले मासिक १० हजार तथा डी ग्रेडमा रहेका खेलाडीले पाँच हजार तलब पाउने व्यवस्था गरिएको थियो ।