कीर्तिपुर, श्रावण २२ ।
कीर्तिपुर ब्याडमिन्टन क्लबको आयोजनामा ‘प्रथम कीर्तिपुर ब्याडमिन्टन कप–२०७४’ शनिबारदेखि सुरु भएको छ ।

कीर्तिपुर ब्याडमिन्टन क्लबको खेल मैदानमा सुरु भएको खेलमा काठमाडौं, भक्तपुर, ललितपुर र धादिङका ६४ टोलीको सहभागिता रहेको छ । खेलको उद्घाटन गर्दे कीर्तिपुर नगरपालिकाका प्रमुख रमेश महर्जनले क्लबले विभिन्न जिल्लाका खेलाडीलाई जम्मा गरेर राष्ट्रिय स्तरको प्रतियोगिता गरेको भन्दै आयोजक क्लबलाई धन्यवाद दिएका छन् ।

उनले खेलकुदले व्यक्तिको शारीरिक रूपलाई तन्दुरुस्त राख्न सहयोग गर्ने उल्लेख गर्दै आगामी दिनमा पनि यस्ता खेलकुदको आयोजना गर्न क्लबलाई आग्रह गरे । उनले भने, ‘खेलकुद क्षेत्रको विकासका लागि नगरपालिका सहयोग गर्न तयार छ ।’

खेल श्रावण २१ गतेदेखि २८ गतेसम्म संचालन हुने क्लबले जनाएको छ ।