पोखरा, श्रावण २५ ।
नवआदर्श सामुदायिक विकास समाजले पोखरा–लेखनाथ महानगरपालिका–१९ लामाचौरमा हरितालिका तीजको अवसरमा आगामी भदौ ६ देखि ८ गतेसम्म राष्ट्रिय महिला भलिबल प्रतियोगिता गर्ने भएको छ ।

सो प्रतियोगितामा ६ टिमको सहभागिता रहने प्रतियोगिता आयोजक समितिका संयोजक सुशीलकुमार श्रेष्ठले जानकारी दिएको छ ।

प्रतियोगितामा न्यू डायमण्ड एकेडेमी, सशस्त्र, नेपाल प्रहरी र नेपाली सेनाका विभागीय टिम, जाउलाखेल भलिबल प्रशिक्षण र पश्चिमाञ्चल क्षेत्रीय भलिबल टिमको सहभागिता रहने जनाएको छ ।

उक्त प्रतियोगितामा प्रथम, द्वितीय, तृतीय र चतुर्थ हुने टिमले क्रमशः रु.७५ हजार एक सय एक, रु.५० हजार एक सय एक, रु.२० हजार र रु.१५ हजार ट्रफी, पदक र प्रमाणपत्र प्राप्त गर्नेछन् ।

त्यस्तै, सोही अवसरमा यस संस्थाद्वारा भदौ ४ देखि ६ गतेसम्म अन्तर माध्यमिक विद्यालय भलिबल, लोकनृत्य, महिला तीज गीत, विद्यालयस्तरीय जोडी नृत्य र महिला सामूहिक नृत्य प्रतियोगिता पनि आयोजना गरिने बताएको छ ।