एजेन्सी, भाद्र १९ ।
युरोपियन राष्ट्र बेल्जियम रसियामा हुने सन् २०१८ को विश्वकप फुटबलका लागि छनौट भएको छ ।

युरोपियन क्षेत्रको छनौट खेल अन्तर्गत आइतबार राति भएको खेलमा ग्रिसलाई २–१ हराउँदै बेल्जियमको विश्वकपमा स्थान बनाउन सफल भएको हो ।

समूह ‘एच’ मा रहेको बेल्जियमका छनोट चरणका दुई खेल बाँकी रहँदै विश्वकपमा छनौट भएको छ । युरोपबाट छनौट हुने बेल्जियम आयोजक रुस पछि पहिलो देश बनेको छ ।

अहिलेसम्म बेल्जियमसहित ६ देशले विश्वकपमा स्थान सुरक्षित गरेका छन् । यसअघि मेक्सिको, जापान, इरान, ब्राजिल र रुसले विश्वकपमा स्थान बनाइसकेका छन् ।