काठमाडौं, फागुन २७ ।
यो साता सुनको मूल्य घट्दै आज शुक्रबार पनि सुनको मूल्य घटेको छ । बिहीबारको तुलनामा आज छापावाला सुन तोलामा तीन सय रुपैयाँले घटेको ५४ हजार रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ । यो हप्तामा सुनको मूल्य तोलामा १४ सय रुपैयाँले घटेको छ ।

चाँदी अघिल्लो दिनको तुलनामा १० रुपैयाँले घटेको छ । शुक्रबार चाँदीको मूल्य सात सय ८५ कायम भएको छ ।

अमेरिकी फेडरल रिजर्भ बैंकले मार्च महिनाको मध्यतिर ब्याजदर बढाउने चर्चा चल्दा सुनको माग घटेको हो । अर्कोतर्फ भारतसहित विश्वबजारमा सुनको माग घटेकाले पनि मूल्यमा असर परेको विभिन्न एजेन्सीहरूले जनाएका छन् ।