काठमाडौं, असोज २२ ।
प्रदेश र प्रतिनिधिसभा सदस्य निर्वाचनका लागि घोषणापत्र र आगामी रणनीति बनाउन तालमेल गरेका बाम गठबन्धन र लोकतान्त्रिक गठबन्धन आन्तरिक छलफलमा जुटेका छन् ।

आगामी निर्वाचनमा कसरी भागबण्डा मिलाएर अघि बढ्ने भन्ने विषयमा कार्यदलभित्र छलफल चलिरहेको छ ।

आगामी रणनीति बनाउन लोकतान्त्रिक गठबन्धनको कार्यदलको बैठक आज दिउँसो प्रधानमन्त्रीको सरकारी निवास बालुवाटारमा बस्ने भएको छ । उक्त बैठकले ६ दलबीचको तालमेल र सिट बाँडफाँडका विषयमा टुङ्गो लगाउने जनाएको छ ।

बैठकमा कांग्रेस गठबन्धनमा आउन चाहाने दलहरूले मागेको सिट संख्या, देशभरी उनीहरूको उपस्थितिलाई ध्यानमा राखेर सहमति गरिने छ ।