एजेन्सी, चैत्र १३ ।
बेलायतको मेरिसाइट शहरमा एक ग्याँस सिलिन्डर विस्फोटन हुदाँ दुई जना गम्भीर घाइते भएका छन् । ३२ जना लाई सामान्य चोट लागेको छ । गम्भीर घाइतेलाई लिभरपूलको एनट्री अस्पतालममा लगेर उपचार गरिरहेको छ ।

विस्फोट हुदाँ त्यहाँ वरपरका घरहरू भूकम्पले जस्तै हल्लाएर झ्यालका सिसाहरू फुटेका छन् । विविस्टोन शहरका सडकमा इँटा, सिमन्ट र सिसाका टुक्राहरू छरिरहेका छन् ।

सय जना भन्दा बढी मानिसहरू आफ्नो घर छोडेर नजिकैको चर्चमा गएर रात बिताएका थिए ।

मेरिसाइट उद्धार सेवाका प्रमुख दान स्टेफेनकाअनुसार क्षति भएको घरहरू धेरै छन्, विवरण संकलन गरि रहेको छ । उक्त घटनाको छानविन पनि भइरहेको बताएका छन् ।