काठमाडौं, चैत्र १४ ।
आज काठमाडौं र ललितपुरमा घोडाजात्रा सम्पन्न भएको छ । काठमाडौंको टुँडिखेलमा विशेष कार्यक्रम गरी घोडाजात्रा सम्पन्न भएको छ भने ललितपुरको बालकुमारीमा पनि घोडा दौडाएर घोडाजात्रा मनाइएको छ ।

काठमाडौंको टुँडिखेलमा आयोजित घोडाजात्रामा राष्ट्रपति विद्यादेवी भण्डारी, उपराष्ट्रपति नन्दकिशोर पुन, प्रधान न्यायाधीश सुशील कार्की, प्रधान सेनापति राजेन्द्र क्षत्रीलगायतका विशिष्ट व्यक्ति र दर्शकहरूको अगाडि घोडाहरू कुदाएर घोडाजात्रा मनाइएको छ भने ललितपुर महानगरपालिकामा पनि फरक किसिमले घोडाजात्रा मनाइएको छ ।

काठमाडौंको टुँडिखेलमा आयोजित घोडाजात्रामा प्रधानमन्त्री पुष्पकमल दाहाल चीन भ्रमणमा जाँदा कार्यबाहक नतोकीकनै गएका कारण यसपटक उपप्रधानमन्त्रीहरू कृष्णबहादुर महरा, विमलेन्द्र निधि र कमल थापाको पनि उपस्थिति देखिएनन् ।