बाँके, बैशाख ११ ।
बाँके जिल्लाको डडुवा गाउँपालिका–१ होलियाको कुडुवागाउँमा आगलागी हुँदा एउटै घरका तीनजना बालबालिकाको मृत्यु भएको छ ।

गएराति १२ बजे छिमेकीको घरमा लागेको आगलागीमा परी छ वर्षीया बालक पवन मुराउ, आठ वर्षीय बालिका राधना मुराउ र १० वर्षीय बालिका सोनी मुराउ रहेको प्रमुख जिल्ला अधिकारी रविलाल पन्थले जनाएको छ ।

उक्त आगोलागीबाट त्यस गाउँका नौ घर र दुईवटा गोठ जलेर नष्ट भएको छ भने करिब  दश लाख बराबरको क्षति भएको अनुमान लगाएको छ ।

आगोलाई स्थानीयवासीलगायत, नेपाल प्रहरी, सशस्त्र प्रहरी, रेडक्रस टोलीको सहयोगमा करिब ५ घन्टापछि नियन्त्रणमा आएको जनाएको छ ।आगलागीपछि नौ घरलाई प्रतिपरिवारलाई दश हजार दरले राहत वितरण गरिएको छ ।