काठमाडाैं, श्रावण ८ ।
जारी रहेकाे आईसीसी टी–२० विश्वकप एशिया फाइनल क्वालिफायरअन्तर्गत आज भएकाे दोश्रो खेलमा नेपालले मलेशियालाई ७ विकेटले पराजित गर्दै पहिलो जित दर्ता गर्न सफल भएकाे छ ।

मलेशियाले दिएको ८४ रनको लक्ष्य नेपालले ८ ओभरमा ३ विकेटको क्षतिमा निर्धारित लक्ष्य चुम्न सफल सफल भएको हाे । नेपालका लागि ओपनर ज्ञानेन्द्र मल्लले अर्धशतक प्रहार गर्दै नेपाललाई सहज बनाएका थिए । मल्लले २१ बलमा ५ चौका र ३ छक्कासहित ५१ रनमा क्याच आउट भएका थिए । त्यसैगरी, विनोद भण्डारीले १३ रन जोड्न सफल भएका थिए । ब्याटिङको निम्तो पाएको मलेशियाले ७ विकेट गुमाएर ९ ओभरमा ८३ रन जोडेको थियो ।

योसँगै मल्ल नेपालबाट टी–२० अन्तर्राष्ट्रिय स्तरमा सर्वाधिक छिटो अर्धशतक बनाउने पहिलो खेलाडी बनेका छन् । यसअघि छिटो अर्धशतक विनोद भण्डारीको नाममा रहेको थियो ।

नेपालका लागि बलरहरू सोमपाल कामीले ३ विकेट बसन्त रेग्मीले २ विकेट सन्दिप लामिछाने र करण केसीले समान १/१ विकेट लिएका थिए ।

टी–२० वर्ल्डकप एशिया फाइनलमा नेपाल र मलेशियाको खेल ९ ओभरमा झारिएको थियो । टस हुनु अगाडि नै लगातार वर्षा भएपछि खेल केहीँ समय ढिला गरी सुरु भएकाे थियाे । जसमा नेपालले टस जितेर फिल्डिङ रोजेको थियो ।