काठमाडौं, श्रावण १२ ।
विगत आठ महिनादेखि रक्त क्यान्सरको उपचार गराइरहेका मकवानपुर निवासी क्रिकेटका पूर्वकप्तान निरज श्रेष्ठको उपचारको क्रममा निधन भएको छ ।

लामो समयदेखि नेपाल तथा भारतका विभिन्न अस्पतालमा उपचार गराइरहेका उनको शहीद मेमोरियल अस्पताल काठमाडौंमा आज निधन भएको क्रिकेट सङ्घ मकवानपुरका सचिव दीपेन्द्र ढकालले जानकारी दिएका छन् । ३६ वर्षीय श्रेष्ठले मकवानपुरमा क्रिकेटको प्रबद्र्धनका लागि महत्वपूर्ण योगदान दिएका थिए ।

क्रिकेट सङ्घ मकवानपुरले आज एक शोक वक्तव्यमार्फत मकवानपुर क्रिकेट सङ्घका सदस्य एवं पूर्वकोषाध्यक्ष तथा मकवानपुरको पूर्वकप्तानसमेत रहेका श्रेष्ठको निधनले क्रिकेट क्षेत्रले आशलाग्दो युवा गुमाउनु परेको जनाएको छ ।

खेलकुद विकास समिति मकवानपुरका सचिव खुशराज दाहालले खेलाडी श्रेष्ठको निधन राष्ट्रको खेल क्षेत्रका लागि अपूरणीय क्षति भएको बताए । मृतक श्रेष्ठका आमा, बुबासहित श्रीमती र एक छोरा छन् ।