काठमाडाैं, भाद्र ४ ।
वरिष्ठ चलचित्र निर्देशक किशोर रानाको आज निधन भएको छ । रानाको आज ललितपुरस्थित निदान हस्पिटलमा निधन भएको नेपाल चलचित्र कलाकार संघका अध्यक्ष रविन्द्र खड्काले जानकारी दिएका छन् ।

निर्देशक राना दुबै मृगौलामा खराबीपछि र सफल मृगौला प्रत्यारोपणपछि लामो समयदेखि अस्वस्थ रहेका थिए ।

उनले पहिलो नेपाली सिनेमास्कोप चलचित्र राँको, कर्जा, करोडपति, घाम छाँया, सीमारेखालगायत थुप्रै सफल नेपाली चलचित्र निर्देशन गरेका थिए ।

निर्देशक रानाका भाई निर्देशक रञ्जित रानाकाअनुसार उनका छोरा विदेशमा रहेकाले भोलि आएपछि मात्रै अन्त्येष्टि गरिने जानकारी दिएका छन् ।