काठमाडाैं, भाद्र १२ ।
एसीसी यू-१९ एशिया कप क्रिकेटको तयारीका लागि श्रीलंकामा रहेको नेपाली यू-१९ क्रिकेट टीमले आज दोश्राे अभ्यास खेल खेल्ने भएका छन् । नेपाली टोलीको अभ्यास खेल श्रीलंकाको फस्ट क्लास क्रिकेट क्लब बादुरेलियासँग हुँदैछ ।

पहिलो अभ्यास खेलमा नेपाल सङहलेस क्रिकेट क्लबको यू-२३ टीमसँग ३ विकेटले पराजित भएको थियो । नेपालले एसीसी यू-१९ एशिया कप क्रिकेटको तयारी स्वरूप अन्तिम अभ्यास खेलमा चिल मारियन्ससँग खेल्नेछ ।

भाद्र १९ देखि २८ गतेसम्म हुने एसीसी यू-१९ एशिया कप क्रिकेटमा नेपालले आयोजक श्रीलंकासँग खेल्दै प्रतियोगिताको सुरुवात गर्नेछ । समूह ‘बी’ मा रहेको नेपालले श्रीलंकासँग भाद्र २० गते खेल्नेछ ।

त्यस्तै, भाद्र २२ गते बंगलादेश दोश्राे खेल र भाद्र २४ गते यूएईसँग समूहको अन्तिम खेल खेल्नेछ । अर्को समूहमा भारत, पाकिस्तान, अफगानिस्तान र कुबेत रहेका छन् । समूहको शीर्ष दुई टोलीले सेमिफाइनलमा स्थान बनाउने छन् ।