विश्वकप फुटबलकाे दाेश्राे चरणअन्तर्गत आज नेपाल चाइनिज ताइपेईसँग भिड्दै
काठमाडाैं, भाद्र २४ ।
विश्वकप फुटबलको दोश्राे चरणको छनोटअन्तर्गत आज नेपालले चाइनिज ताईपेईसँग भिड्दै छ । दुई टोलीबीचको खेल ताइपेईको घरेलु मैदानमा अपरान्ह ४ बजेर ५५ मिनेटमा सुरु हुनेछ । ताइपेईविरुद्ध नेपाली टोली किरण चेम्जोङकै कप्तानीमा मैदान उत्रिने तयारी रहेकाे छ । पहिलो खेलमा पराजित दुबै टोली आज पहिलो जित दर्ता गर्ने तयारीमा रहेका छन् ।
पहिलो खेलमा नेपाल कुवेतसँग तथा चाइनिज ताइपेई जोर्डनसँग पराजित भएको थियो । यसअघि जेठमा भएको मैत्रीपूर्ण खेलमा दुबै टीमले एक–एक गोलको बराबरी खेलेका थिए । फिफा वरियतामा ताइपेइ एक सय २५ र नेपाल एक सय ६६ औं स्थानमा रहेकाे छ ।
प्रतिक्रिया