च्याम्पियन लिग : म्यानचेस्टर सिटीकाे विजयी सुरुवात

प्रकाशित मिति: २ आश्विन २०७६, बिहीबार ०६:२९


काठमाडाैं, असाेज २ ।
जारी रहेकाे च्याम्पियन्स लिगअन्तर्गत गएराति भएकाे खेलमा म्यानचेस्टर सिटीले विजयी सुरुवात गरेको छ ।

साे खेलमा समूह ‘सी’ अन्तर्गत म्यानचेस्टर सिटीले शख्तर डोनेटस्कलाई ३ विरुद्ध शून्य गोल अन्तरले पराजित गरेको हो । सिटीलाई जिताउन रियाद महरेज, इके गुनडोगन र ग्याब्रियल जिससले एक–एक गोल गरेका थिए ।

प्रिमियर लिगको पछिल्लो खेलमा नर्विच सिटीसँग पराजित भएको सिटी च्याम्पियन्स लिगको समूह चरणको पहिलो खेलमा भने उत्कृष्ट खेल प्रदर्शन गर्दै उसले जित हासिल गरेको हाे ।

त्यस्तै, समूह ‘सी’ कै अर्को खेलमा डाइनामो जाग्रेबले एटलान्टालाई ४ विरुद्ध शून्य गाेलले पराजित गरेको छ ।

पहिलो खेलपछि समूह ‘सी’ मा म्यानचेस्टर सिटी र डाइनामो जाग्रेबको ३-३ अंक भएको छ भने शख्तर र एटलान्टा दुबै अंक विहीन रहेका छन् ।


प्रतिक्रिया

ताजा खबर

More

उपचारका क्रममा ६ वर्षीय बालकको मृत्यु भएपछि स्थानीय आन्दोलित, डाक्टर फरार

काठमाडाैं, चैत २४ । गौशालास्थित ए एण्ड बी हस्पिटलमा बालकको उपचारका क्रममा मृत्यु भएपछि.....