काठमाडाैं, असाेज ३ ।
साफ यू–१८ च्याम्पियनशीप फुटबलकाे उद्घाटन खेलमा आज नेपाल र माल्दिभ्सबीचकाे खेल बराबरीमा राेकिएकाे छ । आजबाट सुरु भएकाे खेलमा नेपाल र माल्दिभ्स एक–एक गोलको बराबरी राेकिएकाे छ ।

काठमाडाैंस्थित सशस्त्र प्रहरीकाे मैदान हलचोकमा भएको साे खेलमा नेपालले माल्दिभ्सको एक गोलको अग्रतालाई मनिष डाँगीको गोलमार्फत बराबरीमा ल्याउन सफल भएकाे हाे ।

खेलको १३ औंँ मिनेटमा नेपाली डिफेन्डरले डिबक्समा फल गरेपछि पाएको पेनाल्टीलाई माल्दिभ्सले सहज रूपमा गोल गरेकाे थियाे । उसका लागि हसम अजीमले गोल गर्न सफल भएका थिए । एक गोलले पछि परेको नेपालले १६ औंँ मिनेटमा उत्कृष्ट प्रहार गरेको थियो । नेपालका कप्तान जया गुरुङको प्रहारलाई माल्दिभ्सका गोलकिपरले बचाउन सफल भएकाे थियाे ।

२० औंँ मिनेटमा नेपालले अर्को अवसर सिर्जना गरेको थियो । जसमा माल्दिभ्सका गोलकिपर डिफेन्डरले तीन पटकको प्रयासमा जोगाउन सफल भए ।

२५ औंँ मिनेटमा नेपालले फेरी अर्को गोलको अवसर प्राप्त गरेकाे थियो । तर, नेपालका ब्रिजेस चौधरीको प्रयासमा माल्दिभ्सका गोलकिपर हसन अलिफ बाधक बन्न पुगेकाे थियाे । ३४ औंँ मिनेटमा माल्दिभ्सले अर्को गोलको अवसरलाई खेर फाल्न पुग्याे । उसका हसन नजिमको प्रहार पोष्टको नजिकैबाट बाहिरियाे । ३७ औंँ मिनेटमा नेपालको लङ रेञ्जको प्रहारले पनि सही दिशा लिन सकेन ।

४१ औंँ मिनेटमा नेपालका मनिस डाँगीको प्रहारलाई माल्दिभ्सका गोलकिपर हसनले बचाए । पहिलो हाफको अन्तिममा नेपालले दुई वटा अरू आक्रमण गरे पनि गोल गर्न भने सकेन ।

आजकाे खेलमा दुबै टीमबाट निक्कै प्रतिस्पर्धात्मक खेल प्रस्तुत गरेका थिए । दुबैले टीमले निकै राम्रा अवसरहरू पनि पाएका थिए तर, गाेलमा परिणत गर्न दुबै टीमलाई निकै सकस नै परेकाे थियाे ।

अब नेपालले समूहको दोश्राे प्रतिस्पर्धात्मक खेल भुटानसँग खेल्नेछ । नेपालका लागि सेमिफाइनलमा पुग्न साे खेल जित्नैपर्ने दवाबसमेत रहेकाे छ ।