काठमाडाैं, मंसिर १७ ।
जारी रहेकाे साग खेलकुदअन्तर्गत महिला फुटबलमा आज नेपालले श्रीलंकालाई एक विरुद्ध शून्य गाेलले हराएको छ । निकै राेमाञ्चक प्रतिस्पर्धात्मक बनेको खेलमा नेपालको जितमा सरु लिम्बुको एक मात्र गोल नेपालका लागि तीन अंक जोड्न पर्याप्त बनेकाे थियाे । उनले खेलको ८८ औँ मिनेटमा आएर गोल गरेकी थिइन् ।

पुरै खेलमा डिफेन्सिभ खेल पस्केकाे श्रीलंकाले नेपालको धेरै प्रहारलाई बचाएको थियो । तर, सरुको प्रहारलाई श्रीलंकाको डिफेन्सर गोलकिपरले बचाउन सकेन र अन्त्यमा नेपालकाे जित हुन पुग्याे ।