काठमाडौं, माघ ५ ।
चर्चित बलिउड अभिनेत्री शबाना आजमी मुम्बईको पुणे पुल राजमार्गमा कार दुर्घटनामा परेकी छन् । श्रीमान् जावेद अख्तर पनि उक्त कारमा रहेको तर, उनी चोट मुक्त रहेको बताइएको छ ।

पीटीआईकाअनुसार उनलाई नवी मुम्बईको एमजीएम अस्पतालमा भर्ना गरिएको छ । दुर्घटना शनिबार दिउँसो साढे ३ बजे मुम्बईबाट ६० किलोमिटर टाढा रहेको खालापुरनजिक भएको हो ।

रायगड एसपी अनिल पारस्करले भन्, ‘उनको कार ट्रकमा ठक्कर खायो । यस दुर्घटनामा कार नराम्री क्षतिग्रस्त भएको छ ।’

शबाना आजमी मुम्बईतर्फ फर्किरहेकी थिइन् । उनको कारलाई ट्रकले ठक्कर दिएसँगै तत्कालै उनको उद्दार गरिएको थियो । उनको अनुहार, घाँटी र आँखामा चोट पटक लागेको छ । उनी ड्राइभरको छेउको सिटमा बसेकी थिइन् ।