काठमाडौं, माघ ८ ।
बलिउडका चर्चित गायक उदितनारायण झाको स्वरमा नेपालभाषाको गीत सार्वजनिक भएको छ ।

सार्वजनिक गरिएको उक्त गीतमा गायक झालाई गायिका दीपा महर्जनले साथ दिएकी छन् । सार्वजनिक ‘छंगु जिगु माया रतन’ (तिम्रो मेरो माया रतन) बोलको गीत नेपालभाषामा मेलोडी क्विनको उपनामले समेत चर्चा कमाउन सफल गायिका महर्जनको ‘सरप्राइज एल्बम’मा समावेश गरिएको छ ।

सोही गीतको बोलमा नेपालभाषामा ‘छंगु जिगु माया रतन’ चलचित्रसमेत बन्न लागेको गायिका महर्जनले जानकारी दिएकी छन् । एल्बम सरप्राइजमा गायिका महर्जनका चार वटा एकल गीत, गायक झा र गायक यमन श्रेष्ठसँग दुई वटा गरी छ वटा गीत समावेश गरिएका छन् ।