७ पुस, काठमाडौं । सीतापाइला-नौबिसे सुरुङमार्ग निर्माणलाई नेपाल र जापानबीच ऋण सम्झौता भएको छ । राजधानी प्रवेश गर्ने मुख्य नाकामा बन्ने यो सुरुङमार्ग बनाउन जापान सरकारले दिने १५ अर्ब २८ करोड सहुलियत पूर्ण ऋण दिनेछ ।

अर्थ मन्त्रालयमा बिहीबार आयोजित कार्यक्रममा अर्थसचिव शान्तराज सुवेदी र नेपालका लागि जापानी राजदूत मासाशी ओगावाले सहयोगसम्वन्धी समझदारी पत्रमा हस्ताक्षर गरे । लगतै जापानी सहयोग नियोग जाइका र अर्थ मन्त्रालयको अन्तराष्ट्रिय आर्थिक सहायत समन्वय समितिलबीच ऋण सम्झौता भएको छ ।

नेपाल सरकारले मंसिर दोस्रो साता जापानले दिने ऋण सहायता स्वीकार गर्ने निर्णय गरेको थियो ।