ललितपुर, जेठ ५ ।
ललितपुर महानगरपालिकामा मतगणना जारी रहँदा कूल मतभन्दा पनि बढी मतपत्र भेटिएपछि एकाएक विवादको अवस्था श्रृजना भएको छ ।

हाम्रा संवाददाताले जानकारी गराएअनुसार वडा नं. ९ मा ४ हजार २ सय २० मतदाताको बाकसबाट ४ हजार २ सय ४२ मत अर्थात २२ मत बढी देखिएपछि चर्को विरोधका बाबजुत पनि मतगणना गराएर प्रतिनिधि विजय गराएकोमा झडपको स्थिति श्रृजना भएको जनाएको छ ।

त्यसैगरी, वडा नम्बर १५ मा पनि ३ हजार २ सय ४७ मतदाताको बाकसबाट ३ हजार २ सय ७३ मतपत्रसँगै २६ मत बढी देखिएपछि ललितपुरस्थित निर्वाचन आयोग परिसरमा स्थानीय बासिन्दाले आज मतगणना नै गर्न रोक लगाउनु पर्ने भन्दै विरोध जनाएपछि अहिले त्यहाँ सुरक्षा व्यवस्थासमेत कडा पारिएको छ भने झडपको अवस्था श्रृजना हुनसक्ने संकेतसमेत देखिएको जनाएका छन् ।