काठमाडाैं, मंसिर ३० ।
पर्साको पोखरिया नगरपालिकामा गएराति एक दलित कर्मचारीमाथि बलात्कारको प्रयासको घटना भएको छ । नगरपालिकामा कार्यरत सरसफाई कर्मचारीमाथि बलात्कारको प्रयास भएको प्रहरीले जनाएको छ ।

सरसफाई शाखाका नाइके रामबली हजराले आफ्नै सरसफाई कर्मचारीमाथि बलात्कारको प्रयास गरेको पोखरिया प्रहरीले बताएको छ ।

पीडक हजराले राति साढे ९ बजे नगरपालिकाको कार्यालयमा बोलाएर बलात्कारको प्रयास गरेको पीडित महिलाको आफन्तले जनाए । पीडित महिला र उनको श्रीमान् जाहेरी दिन ईलाका प्रहरी कार्यालय पोखरियामा गएको बताइएको छ।