काठमाडाैं, असाेज १४ ।
नेपालीहरूकाे महान् चाड विजया दशमी नजिकिएसँगै इन्धनको मूल्य पुनः घटेको छ । नेपाल आयल निगमकाअनुसार पेट्रोल, डिजेल, हवाई इन्धन र मट्टीतेलको मूल्य घटाइएको हो ।

आज साेमबार राति १२ बजेबाट लागू हुने गरी निगमले पेट्रोलमा रु. १, डिजेलमा रु. २, हवाई इन्धनमा आन्तरिकमा रु. ६ तथा बाह्यमा प्रति हजार लिटरमा रु. ४५, मट्टीतेलमा रु. २ घटाइएको जनाएको छ । एलपी ग्याँसको मूल्य भारतबाट नेपाली रु. ४१ बढेर आएकामा चाडपर्वलाई लक्षित गरी यथावत राखिएको निगमले जनाएको छ ।

इन्धनको मूल्य घटेसँगै चाडबाडको मुखमा उपभोक्ताले राहत महशुस गर्ने विश्वास गरिएको छ । साथै आयल निगमले पर्वका बेला इन्धन आपूर्तिमा कुनै समस्या नहुनेसमेत जनाएको छ ।