काठमाडौं, असोज १६ ।
सन नेपाल लाईफ इन्स्योरेन्स कम्पनी लिमिटेडको लगनखेल शाखाले आज बुधबार एक कार्यक्रमका बीच आफ्नो स्थानान्तरित शाखाको समुद्घाटन गरेको छ । कम्पनीका प्रमुख कार्यकारी अधिकृत राजकुमार अर्याल तथा ललितपुर महानगरपालिकाका वडा नं.-६ का वडा अध्यक्ष रुपेन्द्रराज शाक्यबाट संयुक्त रूपमा समुद्घाटन गरिएकाे हाे ।

उक्त कार्यक्रममा कम्पनीका प्रमुख बजार अधिकृत गणेश चौलागाई, वागमती प्रदेश प्रमुख लोकमाया अधिकारी, लगनखेल शाखाका शाखा प्रमुख भुवन के.सी., कर्मचारीहरु तथा सिनियर एजेन्सी मेनेजरलगायत अभिकर्ताहरू लगायतकाे उपस्थिति रहेकाे थियाे ।

ग्राहकलाई अझ बढी छिटो जीवन बीमा सेवा प्रदान गर्न शाखाको स्तरोन्नति गरी स्थानान्तरण गरिएको र आगामी दिनहरूमा ग्राहकमुखी सेवा दिँदै जाने कम्पनीको उद्देश्य रहेको कम्पनीले एक प्रेस विज्ञप्ति जारी गरी जनाएकाे छ ।