काठमाडाैं, असाेज २१ ।
काठमाडौं महानगरपालिकाको न्यूरोड स्थित भारतीय नागरिकको कार्यालयमा काम गर्ने दुई जना नेपालीहरू पक्राउ परेका छन् । श्राेत नखुलेको १९ लाख रुपैयाँसहित दुई जनालाई प्रहरीले पक्राउ गरेको हो । उनीहरूलाई जिल्ला प्रहरी परिसर काठमाडौंको टोलीले न्यूरोडबाट आज सोमबार पक्राउ गरेको हो ।

पक्राउ पर्नेहरूमा दोलखाको बिगु गाउँपालिका-४ स्थायी घर भई कलंकी बस्ने ३५ वर्षीया साबित्री वली र सोही ठाउँ घर भई न्यूरोड बस्ने २५ वर्षीय सुरेश वली रहेका छन् । साबित्रीबाट १५ लाख र सुरेशबाट ४ लाख गरी १९ लाख रुपैयाँ श्राेत नखुलेको रकम प्रहरीले बरामद गरेको छ । उनीहरू न्यूरोडस्थित भारतीय नागरिकको कार्यालयमा काम गर्दै आएका प्रहरीले जनाएको छ ।