काठमाडाैं, असाेज २३ ।
वरिष्ठ गीतकार विश्व वल्लभ भट्टराईको निधन भएको छ । ८० वर्षीय वल्लभको उपचारको क्रममा आज बुधबार मध्यान्नमा अन्नपूर्ण न्यूरो अस्पतालमा मृत्यु भएको हो ।

चार दिन अघि घरमै मस्तिष्कघात भएपछि उपचारका लागि न्यूरो अस्पताल भर्ना गरिएको थियो ।

गीतकार राजेन्द्र थापाले सामाजिक सञ्जालमार्फत् वल्लभको निधन भएको बताएका छन् । उनको पार्थिव शरीरलाई प्रज्ञा प्रतिष्ठान लैजाने संगीतकार संघले जनाएको छ ।

लामो समय रेडियो नेपालमा जागिरे रहेका वल्लभका दुई छोरी छन् । उनकी श्रीमतीको दुई वर्षअघि क्यान्सरको कारण मृत्यु भएको थियो ।

तारादेवीले गाएको ‘शुभकामना’, अरूणा लामाले गाएको ‘भाग्यले खुशी खोसेर लग्यो’, अमर तण्डुकारले गाएको ‘धेरै दिन भो तिम्रो झझल्को’ जस्ता चर्चित गीतहरू वल्लभले नै लेखेका हुन् ।