आज तीन वटा प्रदेशमा हल्कादेखि मध्यम वर्षाको सम्भावना

काठमाडाैं, असाेज २७ ।
आज आइतबार तीन वटा प्रदेशमा हल्कादेखि मध्यम वर्षा हुने सम्भावना रहेको जल तथा मौसम विज्ञान विभागले जनाएको छ ।
विभागकाअनुसार हाल लुम्बिनी, सुदूरपश्चिम र कर्णालीमा पश्चिमी वायुको प्रभाव रहेको छ । यस्तै, कोशी, मधेश, वागमती र गण्डकीमा पश्चिमी वायुकै आंशिक प्रभाव छ । यस्तै, सबै प्रदेशमा स्थानीय वायु पनि सक्रिय देखिएको छ ।
आज दिउँसो कोशी, वागमती र गण्डकीका पहाडी भेगका केही ठाउँमा हल्का वर्षा हुने सम्भावना छ ।
आज राति कोशी र गण्डकीका पहाडी भेगका केही ठाउँमा हल्का वर्षा हुने सम्भावना रहेको छ ।
प्रतिक्रिया