काठमाडाैं, असाेज २९ ।
खोटाङ केन्द्रबिन्दु भएर गएराति भूकम्प गएको छ ।

राष्ट्रिय भूकम्प मापन तथा अनुसन्धान केन्द्रकाअनुसार खोटाङको कुबिन्डे भन्ने स्थानलाई केन्द्र बनाएर सोमबार राति १० बजेर ३२ मिनेटमा ४ दशमलव ३ रेक्टर स्केलको भूकम्प गएको हो ।

‘यो सानो खालको भूकम्प हो, यसले क्षति पुर्‍याउँदैन’, केन्द्रका वरिष्ठ भूकम्पविद् डा. लोकविजय अधिकारीले भने ।

यसअघि, असोज १५ गते सिन्धुपाल्चोक केन्द्रबिन्दु भएर भूकम्प गएको थियो ।