काठमाडाैं, कार्तिक १ ।
आज बिहीबार ५ वटा प्रदेशमा हल्कादेखि मध्यम वर्षा हुने सम्भावना रहेको जल तथा मौसम विज्ञान विभागले जनाएको छ ।

विभागकाअनुसार हाल देशभर पश्‍चिमी वायुको आंशिक प्रभाव रहेको छ । साथै, कोशी, वागमती र गण्डकीका पहाडी भेगमा स्थानीय वायुको पनि आंशिक प्रभाव रहेको छ ।

आज दिउँसो गण्डकीका थोरै तथा कोशी, वागमती, कर्णाली र सुदूरपश्‍चिमका पहाडी भेगका केही ठाउँमा हल्कादेखि मध्यम वर्षा हुने सम्भावना छ ।

आज राति कोशी, वागमती, गण्डकी र कर्णालीका पहाडी भेगका केही ठाउँमा वर्षा हुने सम्भावना रहेको छ ।