काठमाडाैं, माघ ४ ।
काठमाडौं महानगरपालिकाको मीनभवनमा एकापसमा दुई वटा मोटरसाइकल दुर्घटना हुँदा दुई जना घाइते भएका छन् ।

बानेश्वरबाट तीनकुनेतर्फ जाँदै गरेको र तीनकुनेबाट बानेश्वरतर्फ जाँदै गरेकाे दुई वटा मोटरसाइकल आज शुक्रबार बिहान पौने ६ बजे सिभिल अस्पतालनजिकै दुर्घटनामा परी दुई जना घाइते भएको बानेश्वर प्रहरी वृत्तले जनाएको छ ।

घाइते भएका दुबै जनालाई उपचारका लागि ट्रमा सेन्टर लगिएको वृत्तले जनाएको छ । घटनाबारे विस्तृत विवरण आउन बाँकी रहेको प्रहरीले जनाएको छ ।