काठमाडाैं, माघ १८ ।
राष्ट्रिय स्वतन्त्र पार्टी (रास्वपा)का सांसद्हरूले प्रतिनिधि सभा बैठकको सुरुमै बोल्न समय नपाएको भन्दै होहल्ला र नाराबाजी गरेका छन् ।

कार्यसूचीमा प्रवेश नगर्दै रास्वपाका सांसद्हरूले आसनबाट उठेर विरोध जनाएका थिए । सभामुखले उनीहरूलाई आसन ग्रहण गर्न पहिला अनुरोध र त्यसपछि आदेश गर्दासमेत नमानेपछि रास्वपाको अवरोधका बाबजुद पनि सभामुख घिमिरेले राष्ट्रपतिबाट प्राप्त पत्रहरू पढेर सुनाएका छन् ।

सभामुखले राष्ट्रपतिको पत्र पढ्दै गर्दा रास्वपाका सांसद्हरूले होहल्ला गरेका हुन् । त्यसपछि उनीहरू बैठक छाडेर बाहिर निस्केका हुन् ।