अमेरिकामा ६ जना सवार एउटा निजी जहाज दुर्घटना

एजेन्सी, माघ १९ ।
अमेरिकाको पेन्सिलभेनियास्थित फिलाडेल्फियामा एउटा निजी जहाज दुर्घटना भएको छ ।
शुक्रबार फिलाडेल्फियाको रुजवेल्ट मलनजिक निजी विमान दुर्घटना भएको हो । उक्त विमान एयर एम्बुलेन्स भएको जनाइएको छ । विमानमा चार चालक दलका सदस्यहरू, एक बिरामी बालक र उनको हेरचारका आएका व्यक्तिसमेत गरी ६ जना सवार रहेका थिए ।
जेट रेस्क्यु एयर एम्बुलेन्सले आफ्नो विमानमा सवार कोही पनि जीवित रहेको पुष्टि गर्न नसकेको बताइएको छ । अधिकारीहरूले मृत्यु वा घाइतेको पुष्टि गरेका छैनन् । भिडिओमा दुर्घटना भएको क्षेत्रमा धुँवा र आगो देखिएको छ ।
गत बुधबार पनि राजधानी वासिङ्टन डीसीमा विमान र सैन्य हेलिकाेप्टर आकासमा ठोक्किएर खस्दा ६७ जनाको ज्यान गएको थियो ।
प्रतिक्रिया